[:en]       नमस्कार, मी चंद्रशेखर राऊत माझ्यासाठी हा अत्यंत अभिमानाचा आणि आनंदाचा क्षण आहे की, मी शासकीय औद्योगिक प्रशिक्षण संस्था उमरेड या प्रतिष्ठित औद्योगिक प्रशिक्षण संस्थेचा प्राचार्य म्हणून कार्यरत आहे.आजच्या वेगाने बदलणाऱ्या औद्योगिक युगात कौशल्याधारित शिक्षणाची गरज वाढत आहे. आपल्या संस्थेचा उद्देश केवळ तांत्रिक ज्ञान देणे नाही, तर विद्यार्थ्यांना कुशल, आत्मनिर्भर आणि देशाच्या विकासात योगदान देणारे नागरिक घडवणे हा आहे. विद्यार्थ्यांनो, तुमच्या उज्ज्वल भविष्यासाठी कठोर परिश्रम करा. प्रामाणिकपणा, शिस्त आणि चिकाटी हीच यशाची खरी गुरुकिल्ली आहे. आमचे निदेशक आणि कर्मचारी नेहमीच तुमच्या पाठीशी उभे आहेत. मी तुम्हाला आश्वासन देतो की, संस्थेच्या प्रगतीसाठी, अत्याधुनिक तंत्रज्ञानाच्या साहाय्याने शिक्षण प्रणाली सुधारण्यासाठी आणि विद्यार्थ्यांना उत्कृष्ट प्रशिक्षण मिळावे यासाठी आम्ही सातत्याने प्रयत्नशील राहू. आपल्या सहकार्याने आणि एकजुटीने आपण संस्थेला नव्या उंचीवर नेऊ, असा मला पूर्ण विश्वास आहे.[:]